ბათუმის სახელმწიფო უნივერსიტეტმა მეხუთე საერთაშორისო კვირეულს უმასპინძლა
ბათუმის სახელმწიფო უნივერსიტეტში საერთაშორისო კვირეული ჩატარდა, რომელსაც 8 ქვეყნის 10 უნივერსიტეტის 17 წარმომადგენელი ესწრებოდა (გერმანია, პორტუგალია, საფრანგეთი, ლატვია, პოლონეთი, ბულგარეთი, რუმინეთი, თურქეთი).
ბსუ-ს ინფორმაციით, სტუმრები უნივერსიტეტისა და ფაკულტეტების ადმინისტრაციის წარმომადგენლებს, აკადემიურ პირებს შეხვდნენ, გაეცნენ საგანმანათლებლო პროგრამებს, სწავლის შესაძლებლობებს, უნივერსიტეტის მატერიალურ-ტექნიკურ ბაზას, სასწავლო კაბინეტებს, ლაბორატორიებს და ასევე ქალაქის ღირსშესანიშნაობებს.
„შეხვედრების დროს დაიგეგმა სამომავლო თანამშრომლობის გაფართოების პერსპექტივები, უმოკლეს ვადებში გაფორმდება თანამშრომლობის მემორანდუმები.
მეხუთე საერთაშორისო კვირეული ,,ერაზმუს+”-ის აკადემიური და ადმინისტრაციული პერსონალის გაცვლითი პროგრამის ფარგლებში ჩატარდა და მიზნად ისახავდა უნივერსიტეტის ინტერნაციონალიზაციის ხელშეწყობას და უკვე არსებული თანამშრომლობის გაღრმავებას“, - ნათქვამია უნივერსიტეტის გავრცელებულ ინფორმაციაში.
v-if="article.gallery" v-html="article.gallery"
