სომხეთის რესპუბლიკაში რუსეთის ფედერაციის საგანგებო და სრულუფლებიანი ელჩი, სერგეი კოპირკინი კონსულტაციებისთვის მოსკოვში გაიწვიეს, - ამის შესახებ რუსეთის ფედერაციის საგარეო საქმეთა სამინისტროს პრესსპიკერმა, მარია ზახაროვამ განაცხადა.

ამასთან, რუსეთის საგარეო უწყება ელჩის დაბარების მიზეზს არ ასახელებს.

მანამდე სომხეთის პრემიერ-მინისტრმა, ნიკოლ ფაშინიანმა განაცხადა, რომ კოლექტიური უსაფრთხოების ხელშეკრულების ორგანიზაციის წევრი ქვეყნები აზერბაიჯანს 2020 წელს ყარაბაღში სამხედრო შეტაკების დროს დაეხმარნენ. მან ეს სახელმწიფოები არრ დაასახელა, თუმცა აღნიშნა, რომ საუბარია ОДКБ -ს ორ ქვეყანაზე.