ხარკოვში დაბომბვის შედეგად დაღუპულთა რაოდენობა 12-მდე გაიზარდა

რუსული ძალების მიერ ხარკოვის დაბომბვის შედეგად დაღუპულთა რაოდენობა 12-მდე გაიზარდა, - ამის შესახებ ხარკოვის საოლქო პროკურატურა იუწყება.

„ხარკოვზე რუსეთის იერიშის შედეგად 12 ადამიანი დაიღუპა და 68 მშვიდობიანი მოქალაქე დაშავდა“, - ნათქვამია განცხადებაში.

უწყების ცნობით, 10 დაღუპულის იდენტიფიცირება ჯერჯერობით არ მომხდარა.

რუსეთის საოკუპაციო ძალებმა გუშინ ხარკოვი რამდენჯერმე დაბომბეს, მათ შორის ჰიპერმარკეტ „ეპიცენტრს“ საჰაერო ბომბებით დაარტყეს.