გარდაბნის ცენტრალურ პარკში, საქართველოს დამოუკიდებლობის დღისადმი მიძღვნილი ღონისძიება ჩატარდა

„26 მაისი, რაც გვეამაყება და გვაერთიანებს“ - გარდაბნის ცენტრალურ პარკში, საქართველოს დამოუკიდებლობის დღისადმი მიძღვნილი ღონისძიება ჩატარდა. ამის შესახებ ინფორმაციას გარდაბნის მუნიციპალიტეტი ავრცელებს.

ინფორმაციის თანახმად, ღონისძიების ფარგლებში, გაიმართა საზეიმო მსვლელობა რომელშიც მონაწილეობა ეროვნულ სამოსში გამოწყობილი ადგილობრივი ანსამბლების წევრებთან ერთად, გარდაბნის მუნიციპალიტეტის მერმა დავით კარგარეთელმა, საკრებულოს თავმჯდომარე მიხეილ გედეხაურმა და ადგილობრივი ხელისუფლების სხვა წარმომადგენლებმა მიიღეს.

„ა(ა)იპ გარდაბნის მუნიციპალიტეტის ივანე ჯავახიშვილის სახელობის მხარეთმცოდნეობის მუზეუმის და ა(ა)იპ ხელოვნებისა და კულტურის ცენტრის ბიბლიოთეკების დეპარტამენტისა და ხალხური რეწვის ოსტატთა და ხელოვანთა მიერ მოეწყო 26 მაისთან დაკავშირებული საგამოფენო სივრცეები.

ღონისძიება ანა ონიანის მიერ შესრულებული საქართველოს ჰიმნით გაიხსნა, რის შემდგომაც სცენა დაიკავეს ფოლკლორულმა ანსამბლებმა: „ბეთანია“, „იალნო“, „ლაჟღვაში“.

ქორეოგრაფიულმა ანსამბლებმა: „ზეგარდი“, „სვანთა“, „სართიმედი“, „ჯვარული“, „საჯეირნო“, „ათინათი“.

მაყურებლის წინაშე ასევე, წარდგნენ გარდაბნისა და ნორიოს სამუსიკო სკოლების მოსწავლეთა გუნდები და სოლო შემსრულებელი მარიამ თეგეთაშვილი, ხოლო დასკვნით ნაწილში დაუკრა დასარტყამ ინსტრუმენტთა ანსამბლმა „არტ ლაიფი“,-ნათქვამია ინფორმაციაში.