შემიძლია განვაცხადო, რომ ხელს ვაწერ და ვუერთდები ამ ინიციატივას - სრულიად ვიზიარებ „ქართულ ქარტიაში“ მოცემულ პუნქტებს, - ამის შესახებ „დროას“ ლიდერმა, ელენე ხოშტარიამ განაცხადა.

ელენე ხოშტარიას განცხადებით, პრეზიდენტი თავისი ინიციატივით ისტორიულ როლს ასრულებს, რადგან „ეს იყო ძალიან დროული, აუცილებელი ხედვა და გეგმა, რომელსაც ელოდებოდა საქართველოს ყველა მოქალაქე“.

„რაც პრეზიდენტმა თქვა, ეს არის ის, რაც ჭირდება საქართველოს ყველა მოქალაქეს - სიცხადე, გზა პოლიტიკური ცვლილების და რისთვის ხდება ცვლილება. პრეზიდენტმა აიღო ინიციატივა, რასაც მე ძალიან ვაფასებ, ფაქტობრივად ისტორიულ როლს ასრულებს. რაც მთავარია პასუხობს არა რომელიმე პარტიის ინტერესებს, არამედ მოქალაქეების ინტერესებს.

ცვლილება ხდება ნორმალური და სამართლიანი არჩევნების ჩასატარებლად, ევროპული დღის წესრიგის დასაბრუნებლად. აქ არ იქნება პოლიტიკური პარტიების მთავრობა. თუ ვინმეს წუხილი აქვს პოლიტიკურ პარტიებთან და ოპოზიციასთან დაკავშირებით, ვიღაც მოსწონს, ვიღაც არ მოსწონს, კოალიციასთან დაკავშირებით რაღაც კითხვები აქვს, პრაქტიკულად ამ კითხვებსაც გაეცა პასუხი. მთავრობა იქნება პროფესიონალების“, - განაცხადა ელენე ხოშტარიამ.