ნათია თურნავა - ეკონომიკური ზრდა მდგრადია, ძლიერია და ამ კუთხით კითხვა არ არსებობს - ინფლაცია მიზნობრივზე დაბალია და ჩვენი ვარაუდით, ასე დარჩება წლის ბოლომდე
ეკონომიკური ზრდა მდგრადია, ძლიერია და ამ კუთხით კითხვა არ არსებობს - ინფლაცია მიზნობრივზე დაბალია და ჩვენი ვარაუდით, ასე დარჩება წლის ბოლომდე,- ამის შესახებ ეროვნული ბანკის პრეზიდენტის მოვალეობის შემსრულებელმა, ნათია თურნავამ პარლამენტის საფინანსო საბიუჯეტო კომიტეტის სხდომაზე დეპუტატების კითხვებზე პასუხისას განაცხადა.
მისივე თქმით, საქართველო სხვა კანდიდატ ქვეყნებთან შედარებით „ძლიერი ეკონომიკით და დაბალი ინფლაციით“ გამორჩეულია.
„სიამაყით მინდა გითხრათ, რომ სხვა კანდიდატ ქვეყნებთან შედარებით ერთ-ერთი გამორჩეული ვართ ძლიერი ეკონომიკით და დაბალი ინფლაციით, რასაც ყველას ვუსურვებ. დავიწყეთ უკვე მოლაპარაკება, რომ უფრო მეტად დავუახლოოთ კანონმდებლობა ევროკავშირის მოთხოვნებს, რა მიმართულებითაც ეროვნული ბანკი ერთ-ერთი მოწინავე სტრუქტურაა“,- განაცხადა ნათია თურნავამ.
