რუსეთის პრეზიდენტის, ვლადიმერ პუტინის განცხადებით, ნატო-ს წევრები ევროპაში ცეცხლს ეთამაშებიან იმის შეთავაზებით, რომ უკრაინას დასავლური იარაღის რუსეთის ტერიტორიის სიღრმეში დარტყმისთვის გამოყენების საშუალება მიეცეს, რამაც, მისი თქმით, შეიძლება გლობალური კონფლიქტი გამოიწვიოს.

„მუდმივმა ესკალაციამ შეიძლება გამოიწვიოს სერიოზული შედეგები. თუ ეს სერიოზული შედეგები ევროპაში მოხდება, როგორ მოიქცევა შეერთებული შტატები სტრატეგიული იარაღის სფეროში ჩვენი პარიტეტის გათვალისწინებით?ძნელი სათქმელია - სურთ თუ არა მათ გლობალური კონფლიქტი?“ - აღნიშნა პუტინმა.

ევროპულ ქვეყნებზე საუბრისას, რომლებიც ნატო-ს წევრები არიან, პუტინმა განაცხადა, რომ პატარა ქვეყნებმა „უნდა იცოდნენ, რას ეთამაშებიან“, რადგან მათ მცირე ტერიტორია აქვთ და ძალიან ხშირი მოსახლეობა ჰყავთ.

„ეს არის ფაქტორი, რომელიც მათ უნდა გაითვალისწინონ, სანამ რუსეთის ტერიტორიის სიღრმეში დარტყმაზე ისაუბრებენ“, - განაცხადა პუტინმა.