ფოთის საცურაო კომპლექსში ახალი სპორტული მიმართულებები-ცურვისა და წყალბურთის ჯგუფები ჩამოყალიბდა. აღნიშნულთან დაკავშირებით ინფორმაციას ფოთის მერია ავრცელებს.

მათი ცნობით, გუნდებს წვრთნებს, საქართველოს სპორტის საწყლოსნო სახეობათა ეროვნული ფედერაციის მიერ სერტიფიცირებული მწვრთნელები ჩაუტარებენ, რომლებიც უზრუნველყოფენ პროფესიონალი სპორტსმენების აღზრდას და კონკურენტუნარიანი გუნდების ჩამოყალიბებას.

აღსანიშნავია, რომ ჯგუფებში შესაძლებელია შეზღუდული შესაძლებლობის მქონე ბავშვების მიღება. მათ მოემსახურებიან სპეციალიზებული მწვრთნელები.

„ჩვენ გავაგრძელებთ სპორტის ახალი სახეობების ჩამოყალიბებასა და ჯანსაღი ცხოვრების წესის პოპულარიზაციას, რაც სპორტსმენებს შესაძლებლობას მისცემს, მონაწილეობა მიიღონ სხვადასხვა ადგილობრივ, თუ საერთაშორისო ტურნირებზე“,-განაცხადა ფოთის მერმა ბექა ვაჭარაძემ.