ლიბანში აშშ-ის საელჩოს შეიარაღებულმა პირმა ცეცხლი გაუხსნა, - ამის შესახებ ინფორმაციას სააგენტო Reuters-ი ლიბანის შეიარაღებულ ძალებზე დაყრდნობით ავრცელებს.
ლიბანის არმიის ცნობით, სამხედროებმა თავდამსხმელს ცეცხლი გაუხსნეს, რის შედეგადაც იგი დაშავდა.
თავდამსხმელი, სირიის მოქალაქე, დააკავეს და საავადმყოფოში გადაიყვანეს.
სააგენტო Reuters-ს უსაფრთხოების სამსახურის წყარომ განუცხადა, რომ ინციდენტის შედეგად, საელჩოს უსაფრთხოების სამსახურის ერთი თანამშრომელი დაშავდა.
