ნათელია გზავნილი, რომ აშშ ქართველი ხალხის გვერდით დგას - ჰელსინკის კომისიის პოლიტიკური განაცხადიც ესაა! - ამის შესახებ სოციალურ ქსელში “ლელოს“ დეპუტატი“ სალომე სამადაშვილი წერს.

სამადაშვილი საქართველოს საკითხზე კონგრესში გუშინ გამართულ მოსმენას ეხმაურება.

“ჰელსინკის კომისიის მოსმენა არის ფაქტების დადგენის მიზნით შეხვედრა ანუ საინფორმაციო.

საკანონმდებლო პროცესი კი, ახლა დაიწყება და მომავალი კვირების მანძილზე, სავარაუდოდ ივლისის ბოლომდე გაგრძელდება. ეს მათთვის, ვინც დღეს ელოდებოდა რაიმე გადაწყვეტილებას.

მთავარი კი, დღევანდელი მოსმენიდან არის შეკითხვა, რომელიც მრავალჯერ გაიმეორეს - რითი დაგეხმაროთ, ანუ ნათელი გზავნილი, რომ აშშ ქართველი ხალხის გვერდით დგას.

დღევანდელი მოსმენის პოლიტიკური განაცხადიც ესაა“, - აცხადებს სალომე სამადაშვილი.