მთავრობის ადმინისტრაციასთან აქცია ლოზუნგით - „დაღალე რეჟიმი! მიმდინარეობს.

„უცხოური გავლენის გამჭვირვალობის შესახებ” კანონის მოწინააღმდეგეები მთავრობის ადმინისტრაციასთან მსვლელობით მივიდნენ.

მთავრობის ადმინისტრაციასთან მობილიზებულია პოლიცია, რომლებსაც აქციის მონაწილეები სიტყვით მიმართავენ. პროტესტის მონაწილეების მიმართვით, მათი მიზანი პოლიციის დაღლაა.

მათივე თქმით, პოლიცია მოქალაქეებს უნდა იცავდნენ, ამის ნაცვლად კი „ბრმად ემორჩილებიან რეჟიმს“.

როგორც აქციის მონაწილეები აცხადებენ, პროტესტი არ შეწყდება და არ დაიღლებიან.

ამ დროისთვის, პროტესტის მონაწილეები კანცელარიასთან სიტყვით გამოდიან, რის შემდეგაც, „ქართული ოცნების“ ოფისთან მსვლელობით გადავლენ.