ჩინეთს როგორ შეიძლება უწოდო სტრატეგიული პარტნიორი, როდესაც ჩინეთის დელეგაცია მოლაპარაკებებში იმყოფება ცხინვალში და თბილისს ამაზე პოზიცია არ გააჩნია. ეს არის ივანიშვილის მოღალატეობრივი პოზიცია, რომელიც ქვეყანას უფსკრულისკენ მიაქანებს, - ამის შესახებ „ერთიანი ნაციონალური მოძრაობის“ პოლიტსაბჭოს წევრმა, ლაშა ფარულავამ განაცხადა.

მისივე თქმით, „ქართული ოცნება“ სახელმწიფოს ინტერესებს და დემოკრატიას ძირს უთხრის.

„ჩინეთს როგორ შეიძლება უწოდო სტრატეგიული პარტნიორი, როდესაც ჩინური კომპანიები, ჩინეთის დელეგაცია იმყოფება საოკუპაციო რეჟიმთან მოლაპარაკებებში ცხინვალში და ამავდროულად, თბილისს მკაფიო პოზიცია ამასთან დაკავშირებით არ გააჩნია. ეს არის სწორედ ივანიშვილის მტრული, მოღალატეობრივი პოზიცია და მთლიანად „ქართული ოცნება“ სახელმწიფოს ინტერესებს ძირს უთხრის, ძირს უთხრის დემოკრატიას და ქვეყანას უფსკრულისკენ მიაქანებს“, - განაცხადა ლაშა ფარულავამ, რომლის განცხადებასაც პარტია „ნაციონალური მოძრაობის“ პრესსამსახური ავრცელებს.