ნიდერლანდებში პოლიტიკურმა პარტიებმა მომავალი მემარჯვენე მთავრობის ჩამოყალიბებაზე საბოლოო შეთანხმებას მიაღწიეს. ამის შესახებ თავისუფლების პარტიის (PVV) ხელმძღვანელმა, ხეერტ ვილდერსმა განაცხადა.

„ჩვენ შეთანხმებას მივაღწიეთ“, - განაცხადა ხეერტ ვილდერსმა.

ცნობისთვის, გასულ თვეში, ვილდერსის თავისუფლების პარტიისა (PVV) და სამი სხვა კონსერვატიული პარტიისგან შემდგარმა კოალიციამ განაცხადა, რომ ნიდერლანდების პრემიერ-მინისტრი 67 წლის დიკ სხოოფი გახდება, რომელიც ბოლოს ნიდერლანდების იუსტიციის სამინისტროში მაღალ თანამდებობას იკავებდა. ასევე, წლების განმავლობაში ნიდერლანდების სადაზვერვო და ანტიტერორისტულ სააგენტოებს ხელმძღვანელობდა და 2000-იანი წლების დასაწყისში საიმიგრაციო სამსახურის უფროსი იყო.