უკრაინა და იაპონია, „დიდი შვიდეულის“ სამიტის ფარგლებში, უსაფრთხოების ორმხრივ შეთანხმებას გააფორმებენ, - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.

„აშშ-ის პრეზიდენტთან, ჯო ბაიდენთან და იაპონიის პრემიერ-მინისტრთან, ფუმიო კიშიდასთან შეხვედრების დროს ჩვენ ხელს უსაფრთხოების ორმხრივ შეთანხმებებს მოვაწერთ. აშშ-სთან დოკუმენტი უპრეცედენტო იქნება, როგორც ეს უკრაინის მხარდამჭერ ლიდერებს შეეფერება“, - წერს უკრაინის პრეზიდენტი „ტელეგრამის“ არხზე.

იაპონიასთან და აშშ-სთან უსაფრთხოების ხელშეკრულებებზე ხელის მოწერით, უკრაინა „დიდი შვიდეულის“ სახელმწიფოებთან მსგავსი ორმხრივი შეთანხმებების გაფორმებას დაასრულებს.