რუსმა ოკუპანტებმა უკრაინაზე 14 რაკეტისა და 17 Shahed-ის ტიპის დრონის გამოყენებით სარაკეტო - საჰაერო დარტყმა განახორციელეს. ინფორმაციას უკრაინული მედია საჰაერო ძალებზე დაყრდნობით ავრცელებს.

მათივე ინფორმაციით, რუსებმა უკრაინის ტერიტორიაზე იერიში მიიტანეს Х-101/Х-555 ტიპის 10 ფრთოსანი რაკეტით, Х-47М2 ტიპის აერობალისტიკური, „კინჟალის“ რაკეტით, „ისკანდერ მ“ ტიპის ბალისტიკური 3 რაკეტით და Shahed-131/136 ტიპის 17 დრონით.

საჰაერო ძალებში აცხადებენ, რომ უკრაინელებმა ხმელნიცკის, ხარკოვის, ნიკოლაევის, ოდესის, ზაპოროჟიეს, დნეპროპეტროვსკის და კიროვოგრადის ოლქებში 24 საჰაერო სამიზნე: Х-101/Х-555 ტიპის 7 ფრთოსანი რაკეტა და Shahed-131/136 ტიპის 17 დრონი გაანადგურეს.