განათლების სამინისტროსთან 123-ე სკოლის პედაგოგებისა და მშობლების აქცია დასრულდა. მათ სამინისტროს რამდენჯერმე მიმართეს, რომ უწყების ოფიციალური წარმომადგენელი შეხვედროდათ, თუმცა უშედეგოდ.

აქციის მონაწილეებმა, უწყებაში ოფიციალური წერილიც გაგზავნეს და მინისტრთან, გიორგი ამილახვართან შეხვედრა მოითხოვეს, რის შემდეგაც ტერიტორია დატოვეს.

როგორც აქციის მონაწილეები აცხადებენ, პროტესტი ერთიანი ძალებით გაგრძელდება.

"ჩვენ არ ვაპირებთ გაჩუმებას, მხარს ვუჭერთ თამარ ლოსაბერიძეს. ყველა ზომაა მივმართავთ სამართლიანობისთვის. შევიმუშავებთ სამომავლო სტრატეგიებს და საერთო ძალებით ვიმოქმედებთ. კანონის ფარგლებში, მოვითხოვთ, რომ მოგვისმინონ", - განაცხადეს აქციის მონაწილეებმა.

ცნობისთვის, პროტესტის მიზეზი ის გარემოება გახდა, რომ 123-ე სკოლის დირექტორის მოვალეობის შემსრულებელი, თამარ ლოსაბერიძე სკოლის დირექტორთა შესარჩევ კანდიდატებს შორის არ დაასახელეს.