ბაგებისა და უნივერსიტეტის ქუჩის დამაკავშირებელი ხიდი სატრანსპორტო ნაკადების გადაადგილებას მნიშვნელოვნად გააუმჯობესებს, - ამის შესახებ თბილისის საკრებულოს უმრავლესობის წევრმა, საკრებულოს ეკონომიკური განვითარების, საინვესტიციო პოლიტიკისა და საერთაშორისო ურთიერთობების კომისიის თავმჯდომარემ, ლევან არველაძემ საკრებულოს სხდომაზე განაცხადა.
„რამდენიმე დღის წინ დედაქალაქში მნიშვნელოვანი პროექტი, ბაგებისა და უნივერსიტეტის ქუჩის დამაკავშირებელი ხიდის მშენებლობა დასრულდა. ვთვლი, რომ ეს ხიდი მნიშვნელოვნად გააუმჯობესებს სატრანსპორტო ნაკადების გადაადგილებას.
ასევე, დღეს, როგორც ვიცით, საზეიმოდ იხსნება ევროპის ჩემპიონატი ფეხბურთში და მინდა ჩვენს ბიჭებს წარმატება ვუსურვო“, - განაცხადა ლევან არველაძემ.
