ლიეტუვის სეიმის სპიკერი, ვიქტორია ჩმილიტე-ნილსენი ოფიციალური ვიზიტით უკრაინაში ჩავიდა.

„მოხარული ვარ, რომ დავბრუნდი კიევში, რათა დავადასტურო ლიეტუვის სეიმის ურყევი მხარდაჭერა უკრაინის გამარჯვებისა და მისი ევროპული და ევროატლანტიკური ინტეგრაციის გზის მიმართ“, - წერს ვიქტორია ჩმილიტე-ნილსენი სოციალურ ქსელ X-ში.

ლიეტუვის პარლამენტის სპიკერს კიევის რკინიგზის სადგურზე უკრაინის უმაღლესი რადას ვიცე-სპიკერი, ელენა კონდრატიუკი დახვდა.

„ეს მნიშვნელოვანი ვიზიტია საპარლამენტთაშორისო თანამშრომლობის განვითარებისთვის და უკრაინა-ლიეტუვის ურთიერთობების მხარდაჭერის მტკიცებულებაა“, - წერს უკრაინის უმაღლესი რადას ვიცე-სპიკერი სოციალურ ქსელში.