ქუთაისის IV საერთაშორისო ფორუმის პირველ დღეს ქალაქების გაძლირებასა და მომავლისთვის მზადმყოფი ქალაქების მუნიციპალური სერვისების შესახებ იმსჯელეს
ქუთაისში მე-4 საერთაშორისო ფორუმის პირველი დღე დასრულდა. აღნიშნულის შესახებ ინფორმაციას ქუთაისის მერია ავრცელებს.
მათივე ცნობით, დღის განმავლობაში რამდენიმე თემატური სესია გაიმართა, რომელშიც მონაწილეობდნენ მაღალი რანგის ადგილობრივი და უცხოელი მომხსენებლები.
„თემაზე „ქალაქების გაძლიერება - სხვადასხვა ქვეყნის პრაქტიკა“ ისაუბრეს - საქართველოს რეგიონული განვითარებისა და ინფრასტრუქტურის მინისტრის მოადგილემ, მზია გიორგობიანმა, ჩეხეთის რესპუბლიკის რეგიონული განვითარების მინისტრის მოადგილემ, რადიმ სრშენმა, პოლონეთის რესპუბლიკის სახელმწიფო მდივნის მოადგილემ, კონრად ვოინაროვსკიმ, რუმინეთის სახელმწიფო მდივანმა, ოვიდიუ-ვასილე ჩიმპენმა.
„მომავლისთვის მზადმყოფი ქალაქები“, „მუნიციპალური სერვისები ხელოვნური ინტელექტის ეპოქაში“, „ჯანდაცვისა და სოციალური საკითხების როლი ქალაქების ტრანსფორმაციისას“ - ამ თემების შესახებ კონფერენციის მონაწილეებს გამოცდილება გაუზიარეს საქართველოს, გერმანიის, პოლონეთის, ნიდერლანდების, ბალტიისპირეთის ქვეყნების, მსოფლიო ჯანდაცვის ორგანიზაციების წარმომადგენლებმა.
სესიებს მოდერატორობა გაუწიეს: ქუთაისის მერმა, იოსებ ხახალეიშვილმა, მერის მოადგილემ, თამარ დახუნდარიძემ, AI ტრანსფორმაციის კონსულტანტმა, ლელა მაჩაიძემ, ევროპის ურბანული ცოდნის ქსელის დირექტორმა, მარტინ გრიზელიმ.
ქუთაისის მე-4 საერთაშორისო ფორუმი მუშაობას 21 ივნისს დაასრულებს“, - აღნიშნულია ინფორმაციაში.
v-if="article.gallery" v-html="article.gallery"
