რუსეთის საჰაერო თავდაცვის სისტემებმა 5 დრონი გაანადგურეს, - ამის შესახებ განცხადებას რუსეთის თავდაცვის სამინისტრო ავრცელებს.„უპილოტო საფრენი აპარატების გამოყენებით რუსეთის ფედერაციის ტერიტორიაზე მდებარე ობიექტების წინააღმდეგ, კიევის რეჟიმის მიერ ტერორისტული თავდასხმის განხორციელების მცდელობა აღიკვეთა“, - ნათქვამია განცხადებაში.

რუსეთის თავდაცვის სამინისტროს ცნობით, საჰაერო თავდაცვის სისტემებმა დრონები აზოვის ზღვის, ბრიანსკისა და სმოლენსკის ოლქების თავზე გაანადგურეს.