მარკ რუტეს არჩევა, უფრო მეტად გააღრმავებს საქართველო-ნატოს ურთიერთობას, - ამის შესახებ “სტრატეგია აღმაშენებლის” თავმჯდომარემ გიორგი ვაშაძემ განაცხადა.

ვაშაძე სოციალურ ქსელში ნიდერლანდების ყოფილ პრემიერს და VVD-ს ლიდერს, ნატოს გენერალურ მდივნად არჩევას ულოცავს.

„ვულოცავ ჩვენს მეგობარს, ნიდერლანდების ყოფილ პრემიერ-მინისტრს და VVD-ს ლიდერს, მარკ რუტეს, ნატო-ს გენერალურ მდივნად არჩევას! დარწმუნებული ვარ, მისი არჩევა, უფრო მეტად გააღრმავებს საქართველო-ნატოს ურთიერთობას!” - წერს ვაშაძე სოციალურ ქსელში.