კურსკის ოლქში, დრონით თავდასხმის შედეგად, 5 ადამიანი დაიღუპა, - ამის შესახებ ინფორმაციას კურსკის ოლქის გუბერნატორის მოვალეობის შემსრულებელი, ალექსეი სმირნოვი ავრცელებს.

ალექსეი სმირნოვის განცხადებით, 29 ივნისის ღამეს, სოფელ გოროდიშჩეში მდებარე საცხოვრებელ სახლზე უკრაინული დრონით თავდასხმა განხორციელდა, რის შედეგადაც 5 ადამიანი დაიღუპა, მათ შორის 2 ბავშვი.

„მძიმე მდგომარეობაში მყოფი ოჯახის კიდევ ორი ​​წევრი რილსკის რაიონულ საავადმყოფოში გადაიყვანეს, სადაც მათ სამედიცინო დახმარებას უწევენ“, - წერს სმირნოვი „ტელეგრამის“ არხზე.