სეულში ავტომობილი ხალხში შევარდა, სულ მცირე 9 ადამიანი დაიღუპა, - ამის შესახებ ინფორმაციას სამხრეთ კორეის საინფორმაციო სააგენტო Yonhap-ი ავრცელებს.

ადგილობრივი მედიის ცნობით, სამხრეთ კორეის დედაქალაქის მერიასთან ავტომობილი ხალხში შევარდა, რის შედეგადაც სულ მცირე 9 ადამიანი დაიღუპა და 4 დაშავდა.

პოლიციამ შემთხვევის ადგილზე 70 წლამდე მამაკაცი დააკავა.

მძღოლის განცხადებით, შემთხვევა ავტომობილის უეცარმა აჩქარებამ გამოიწვია.