„ერთიანი ნაციონალური მოძრაობის“ თავმჯდომარე თინა ბოკუჩავა ეუთოს საპარლამენტო ასამბლეის ფარგლებში, კონგრესმენ ჯო უილსონს და სენატორ რობერტ უიკერს შეხვდა. ინფორმაციას „ერთიანი ნაციონალური მოძრაობა“ ავრცელებს.

პარტიის ცნობით, თინა ბოკუჩავამ მათ კონგრესში საქართველოს მხარდამჭერი „მეგობარი აქტის“ და სენატში ქართველი ხალხის აქტის ინიცირებისთვის მადლობა გადაუხადა.

„შეხვედრაზე ისაუბრებს იმ სიკეთეებზე, რომელსაც მეგობარი აქტი ითვალისწინებს, მათ შორის აშშ-თან საქართველოს მოქალაქეებისთვის უვიზო მიმოსვლის შემოღებას.

შეხვედრაზე ასევე ხაზი გაესვა „ქართული ოცნების“ წარმომადგენლების მიმართ ინდივიდუალური სანქციების დაწესებას და მომავალი საპარლამენტო არჩევნების სამართლიან და გამჭვირვალე გარემოში ჩატარებას“, - აღნიშნულია ინფორმაციაში.