20:00 საათზე არის საქართველოს საკალათბურთო ნაკრების თამაში ლატვიის წინააღმდეგ, - ამის შესახებ საქართველოს მთავრობის ადმინისტრაციის უფროსმა ლევან ჟორჟოლიანმა განაცხადა.

მისი თქმით, თავისუფლების მოედანზე არის დიდი ეკრანები დამონტაჟებული და ყველას ექნება შესაძლებლობა, უგულშემატკივროს საქართველოს საკალათბურთო ნაკრებს.

„ყველას, გულშემატკივრებს, ჩვენს მოქალაქეებს ველოდებით 20:00 საათიდან თავისუფლების მოედანზე. ერთად ვუგულშემატკივროთ ჩვენს საკალათბურთო ნაკრებს“, - განაცხადა ლევან ჟორჟოლიანმა.