უკრაინა მომავალ კვირას ვაშინგტონში დაგეგმილ ნატო-ს სამიტზე საჰაერო თავდაცვის სისტემებთან დაკავშირებით "კარგ სიახლეს" მიიღებს, - Reuters-ის ინფორმაციით, ამის შესახებ აშშ-ის სახელმწიფო დეპარტამენტის მაღალჩინოსანმა განაცხადა.

"ვიმედოვნებთ, რომ შევძლებთ სამიტზე მისვლას და საჰაერო თავდაცვის შესახებ ახალი განცხადებების გაკეთებას. გსმენიათ, რომ უკრაინელებს სურთ დამატებითი Patriots-ის ან მსგავსი სისტემები და ვფიქრობ, ჩვენ გვექნება დამატებითი კარგი ამბები მათთვის ამ კუთხით", - აღნიშნა ოფიციალურმა პირმა, რომელმაც მედიასთან ანონიმურობის პირობით ისაუბრა.

უკრაინის ოფიციალური პირები თვეების განმავლობაში მოუწოდებენ თავიანთ მოკავშირეებს მიაწოდონ მეტი საჰაერო თავდაცვის სისტემა, რათა დაიცვან თავი რუსეთის ძალების ხშირი სარაკეტო და დრონებით თავდასხმებისგან 2022 წლის შეჭრის შემდეგ.

შეგახსენებთ, ალიანსის ლიდერები ნატო-ს სამიტზე ვაშინგტონში, 9- 11 ივლისს შეიკრიბებიან.