თსსუ-ში მედიცინისა და სტომატოლოგიის საერთაშორისო ფაკულტეტის სტუდენტთა გამოსაშვები ღონისძიება გაიმართა
თბილისის სახელმწიფო სამედიცინო უნივერსიტეტში მედიცინისა და სტომატოლოგიის საერთაშორისო ფაკულტეტის სტუდენტთა გამოსაშვები ღონისძიება გაიმართა.
კურსდამთავრებულებს სწავლის დამთავრება და ცხოვრების ახალ ეტაპზე გადასვლა მიულოცა თბილისის სახელმწიფო სამედიცინო უნივერსიტეტის რექტორმა, პროფესორმა ირაკლი ნატროშვილმა. მან კურსდამთავრებულებს პროფესიულ საქმიანობაში წარმატებები უსურვა.
ამის შემდეგ, კურსდამთავრებულებს სიტყვით მიმართა მედიცინისა და სტომატოლოგიის საერთაშორისო ფაკულტეტის დეკანმა, ასოცირებულმა პროფესორმა დავით თოფურიამ. როგორც მან აღნიშნა, თსსუ-ის აკადემიური პერსონალი ძალ–ღონეს არ იშურებდა, რომ სტუდენტებისთვის მაქსიმუმი მიეცა.
თსსუ-ში გამართულ ღონისძიებაზე იმყოფებოდნენ კურსდამთავრებულთა ოჯახის წევრები, მათი მეგობრები, რომლებიც სპეციალურად ამ დღისთვის ჩამოვიდნენ მსოფლიოს სხვადასხვა ქვეყნიდან.
ტრადიციულად, ღონისძიების დასასრულს, კურსდამთავრებულებმა საზეიმოდ დადეს ჰიპოკრატეს ფიცი.
ცნობისთვის, 2023-2024 სასწავლო წელს მედიცინისა და სტომატოლოგიის საერთაშორისო ფაკულტეტი 31 ქვეყნის 273-მა სტუდენტმა დაასრულა.
თბილისის სახელმწიფო სამედიცინო უნივერსიტეტი ულოცავს ყველა კურსდამთავრებულს ამ ღირსშესანიშნავ თარიღს და უსურვებს წარმატებებს პროფესიული განვითარების გზაზე.
ინფორმაციას თბილისის სახელმწიფო სამედიცინო უნივერსიტეტი ავრცელებს.
v-if="article.gallery" v-html="article.gallery"
