რუსები კიევს დრონებით დაესხნენ თავს, უკრაინელებმა ყველა დრონი გაანადგურეს

რუსულმა ძალებმა უკრაინის დედაქალაქ კიევის წინააღმდეგ მორიგი საჰაერო თავდასხმა წუხელ მხოლოდ უპილოტო საფრენი აპარატების გამოყენებით განახორციელა, უკრაინის საჰაერო თავდაცვამ ყველა დრონი გაანადგურა, - ინფორმაციას უკრაინული მედია ავრცელებს.

დრონები რუსეთის ფედერაციის კურსკის ოლქის ტერიტორიიდან გაუშვეს, კიევს დრონები ტალღებად, სხვადასხვა მიმართულებით მიუახლოვდნენ.

კიევის საქალაქო-სამხედრო ადმინისტრაციის ინფორმაციით, საჰაერო თავდაცვის ეფექტური მუშაობის წყალობით, კიევამდე ვერც ერთმა დრონმა ვერ მიაღწია და საჰაერო თავდაცვის ძალებმა და საშუალებებმა დედაქალაქის მისადგომებზე მტრის უპილოტო საფრენი აპარატები გაანადგურა.

v-if="article.gallery" v-html="article.gallery"

თემა:ომი უკრაინაში