პოლონეთის პრემიერ-მინისტრი, დონალდ ტუსკი საფრანგეთის საპრეზიდენტო არჩევნების სავარაუდო შედეგებს ეხმიანება და აცხადებს, რომ ეს არის იმედგაცრუება მოსკოვისთვის და შვება - კიევისთვის.

„პარიზში- ენთუზიაზმი, მოსკოვში - იმედგაცრუება, კიევში - შვება. საკმარისია იმისთვის, რომ ვარშავაში ბედნიერი იყო", - წერს ტუსკი სოციალურ ქსელ X-ზე.

ცნობისთვის, ულტრამემარჯვენე პარტია „ეროვნული გაერთიანების ლიდერმა, მარინ ლე პენმა პირობა დადო, რომ მისი პარტიის პრემიერ-მინისტრი ხელს შეუშლიდა კიევს საფრანგეთის მიერ მიწოდებული შორ მანძილზე მოქმედი იარაღი რუსეთის ტერიტორიაზე გამოეყენებინა.

შეგახსენებთ, ეგზიტპოლის შედეგების თანახმად, საფრანგეთის საპარლამენტო არჩევნებში პირველ ადგილს მემარცხენეთა ალიანსი იკავებს. მეორე ადგილზეა პრეზიდენტ ემანუელ მაკრონის ცენტრისტული ალიანსი, მესამეზე კი - ულტრამემარჯვენე პარტია „ეროვნული გაერთიანება“, რომელმაც არჩევნების პირველ ტურში გაიმარჯვა.