სტიქიური მოვლენების შედეგების სალიკვიდაციო ღონისძიებების განსახორციელებლად, მუნიციპალიტეტებისთვის 104 877 000 ლარი გამოიყო.

შესაბამისი განკარგულება მთავრობის ადმინისტრაციამ გამოსცა, რომელსაც ხელს პრემიერ-მინისტრი, ირაკლი კობახიძე აწერს.

„სტიქიური მოვლენების შედეგების სალიკვიდაციო ღონისძიებების განხორციელების მიზნით, საქართველოს ფინანსთა სამინისტრომ „საქართველოს 2024 წლის სახელმწიფო ბიუჯეტის შესახებ“ საქართველოს კანონით გათვალისწინებული საქართველოს რეგიონებში განსახორციელებელი პროექტების ფონდიდან მუნიციპალიტეტებს გამოუყოს არაუმეტეს 104 877 000 ლარი“, - ნათქვამია მთავრობის განკარგულებაში.

ამასთან, დოკუმენტის მიხედვით, ყველაზე მეტი თანხა - 9 062 000 ოზურგეთის მუნიციპალიტეტისთვის გამოიყო, ყველაზე ცოტა კი თიანეთის მუნიციპალიტეტისთვის 193 ათასი ლარია გამოყოფილი.

კერძოდ: ყვარლის მუნიციპალიტეტს 4 420 000 ლარი გამოეყო; ოზურგეთის მუნიციპალიტეტს 9 062 000 ლარი; მარტვილის მუნიციპალიტეტს 3 458 000 ლარი; სიღნაღის მუნიციპალიტეტს - 2 180 000 ლარი; ყაზბეგის მუნიციპალიტეტს 940 000 ლარი; ზესტაფონის მუნიციპალიტეტს 2 990 000 ლარი; ცაგერის მუნიციპალიტეტს 583 000 ლარი; გურჯაანის მუნიციპალიტეტს 3 883 000 ლარი; ჩხოროწყუს მუნიციპალიტეტს 5 855 000 ლარი; ჩოხატაურის მუნიციპალიტეტს 6 366 000 ლარი; თელავის მუნიციპალიტეტს 4 027 000 ლარი; ლაგოდეხის მუნიციპალიტეტს 1 872 000 ლარი; ლანჩხუთის მუნიციპალიტეტს 941 000 ლარი; თიანეთის მუნიციპალიტეტს 193 000 ლარი; ქუთაისის მუნიციპალიტეტს 3 986 000 ლარი; ჭიათურის მუნიციპალიტეტს 5 738 000 ლარი; ონის მუნიციპალიტეტს 4 601 000 ლარი; საგარეჯოს მუნიციპალიტეტს 2 059 000 ლარი; ტყიბულის მუნიციპალიტეტს 1 750 000 ლარი; ზუგდიდის მუნიციპალიტეტს 3 170 000 ლარი; წალკის მუნიციპალიტეტს 1 270 000 ლარი; ხაშურის მუნიციპალიტეტს 2 195 000 ლარი; კასპის მუნიციპალიტეტს 830 000 ლარი; ბოლნისის მუნიციპალიტეტს 700 000 ლარი; ადიგენის მუნიციპალიტეტს 380 000 ლარი; ახალციხის მუნიციპალიტეტს 1 185 000 ლარი; ასპინძის მუნიციპალიტეტს 500 000 ლარი; საჩხერის მუნიციპალიტეტს 1 110 000 ლარი; ბორჯომის მუნიციპალიტეტს 444 000 ლარი; წალენჯიხის მუნიციპალიტეტს 3 130 000 ლარი; ლენტეხის მუნიციპალიტეტს 2 160 000 ლარი; ბაღდათის მუნიციპალიტეტს 4 480 000 ლარი; 2 705 000 ლარი; წყალტუბოს მუნიციპალიტეტს 545 000 ლარი; ხარაგაულის მუნიციპალიტეტს 625 000 ლარი; თერჯოლის მუნიციპალიტეტს 1 105 000 ლარი; სამტრედიის მუნიციპალიტეტს 1 785 000 ლარი; ხონის მუნიციპალიტეტს 705 000 ლარი; მცხეთის მუნიციპალიტეტს 2 475 000 ლარი; სენაკის მუნიციპალიტეტს 3 920 000 ლარი; აბაშის მუნიციპალიტეტს 1 440 000 ლარი; მესტიის მუნიციპალიტეტს 284 000 ლარი; ამბროლაურის მუნიციპალიტეტს 2 500 000 ლარი და ქარელის მუნიციპალიტეტს 200 000 ლარი.