ინდოეთის ის მოქალაქეები, რომლებსაც რუსეთის თავდაცვის სამინისტროსთან კონტრაქტები აქვთ გაფორმებული და ამჟამად უკრაინის წინააღმდეგ რუსეთის სამხედრო ოპერაციებში მონაწილეობენ, საკონტრაქტო სამსახურიდან გათავისუფლდებიან და სახლში დაბრუნდებიან, - ინფორმაციას ინდური ტელეარხი NDTV ავრცელებს.

ტელეკომპანიის ცნობით, რუსეთის ხელისუფლება ინდოეთის აღნიშნულ მოქალაქეებს სამშობლოში დაბრუნებაშიც დაეხმარება.

NDTV-ის ინფორმაციით, ორდღიანი ოფიციალური ვიზიტით მოსკოვში მყოფმა პრემიერ-მინისტრმა ნარენდრა მოდიმ ეს საკითხი რუსეთის პრეზიდენტ ვლადიმერ პუტინთან საუბარში წამოჭრა და მან შესაბამისი გადაწყვეტილება მიიღო.