რუსების მიერ ოდესაზე განხორციელებული თავდასხმის შედეგად, 2 ადამიანი დაიღუპა, - ამის შესახებ ინფორმაციას ოდესის საოლქო-სამხედრო ადმინისტრაციის ხელმძღვანელი, ოლეგ კიპერი ავრცელებს.

ოლეგ კიპერის ცნობით, რუსულმა ძალებმა ოდესის ოლქის საპორტო ინფრასტრუქტურაზე სარაკეტო იერიში განახორციელეს, რის შედეგადაც სატვირთო მანქანის მძღოლი და დაცვის თანამშრომელი დაიღუპა. ასევე, ერთი მეზღვაური დაშავდა.

უკრაინის საჰაერო ძალების ინფორმაციით, 10 ივლისის ღამეს რუსებმა უკრაინის მიმართულებით 4 მართვადი რაკეტა და 20 დრონი გაუშვეს, რომელთაგან უკრაინელებმა 14 ჩამოაგდეს.