მომავალ წელს პოლონეთი თავდაცვაზე მშპ-ის 5%-ს დახარჯავს, - ამის შესახებ პოლონეთის საგარეო საქმეთა მინისტრმა, რადოსლავ სიკორსკიმ განაცხადა.

„პოლონეთი 4%-ს ხარჯავს, მომავალ წელს კი 5%-ს დახარჯავს. ჩვენ ნატო-ში პირველ ადგილზე ვართ, მათ შორის აშშ-ის ჩათვლით, რადგან ცივი ომის შემდეგ ჩვენ მუდმივი მშვიდობის ეპოქაში აღარ ვიმყოფებით“, - განაცხადა რადოსლავ სიკორსკიმ.

პოლონეთის საგარეო საქმეთა მინისტრმა აღნიშნა, რომ თავდაცვის ხარჯების გაზრდის მიზნით, ნატო-ს წევრ სახელმწიფოებზე აშშ-ის ყოფილი პრეზიდენტის, დონალდ ტრამპის ზეწოლას მხარს უჭერდა.