ოლაფ შოლცი დონალდ ტრამპზე თავდასხმაზე - ასეთი ძალადობრივი ქმედებები საფრთხეს უქმნის დემოკრატიას
აშშ-ის პრეზიდენტობის კანდიდატზე, დონალდ ტრამპზე თავდასხმა ამაზრზენია, - ამის შესახებ გერმანიის კანცლერი, ოლაფ შოლცი სოციალურ ქსელ X-ზე წერს.
გერმანიის კანცლერი დონალდ ტრამპს და სროლის დროს დაშავებულ სხვა პირებს სწრაფ გამოჯანმრთელებას უსურვებს.
„ასეთი ძალადობრივი ქმედებები საფრთხეს უქმნის დემოკრატიას“, - აცხადებს შოლცი.
დონალდ ტრამპი პენსილვანიის შტატში მხარდამჭერებთან შეხვედრის დროს მომხდარი სროლის შედეგად დაშავდა. შეხვედრის ერთ-ერთი მონაწილე დაიღუპა, ორი მონაწილე კი მძიმედ დაშავდა. დაღუპულია თავად შეიარაღებული პირიც, რომელიც აშშ-ის საიდუმლო სამსახურის თანამშრომლებმა გაანეიტრალეს. აშშ-ის ფედერალური გამოძიების ბიურომ (FBI-მ) ყოფილი პრეზიდენტის, დონალდ ტრამპის მკვლელობის მცდელობაში მონაწილე პირის იდენტიფიცირება მოახდინა და განაცხადა, რომ ის 20 წლის თომას მეთიუ კრუკსია. დონალდ ტრამპმა საავადმყოფო შესაბამისი სამედიცინო დახმარების გაწევის შემდეგ მალევე დატოვა.
v-if="article.gallery" v-html="article.gallery"
