სომხეთში სამხედრო წვრთნები Eagle Partner 2024 დაიწყო. ამის შესახებ ინფორმაციას სომხეთის თავდაცვის სამინისტრო ავრცელებს.

გახსნის ცერემონიაზე სომხეთისა და აშშ-ის ეროვნული ჰიმნები გაჟღერდა და სამხედროებს სომხეთის თავდაცვის მინისტრმა, სურენ პაპიკიანმა და სომხეთში აშშ-ის ელჩმა, კრისტინა ქუინმა მიმართეს.

სამხედრო სწავლება, რომელიც სომეხი და ამერიკელი ჯარისკაცების მონაწილეობით ტარდება, 24 ივლისამდე გაგრძელდება.