რუსეთის კურსის ოლქის კორენევოს დასახლებაში, უკრაინული დრონებით თავდასხმის გამო, დაბალვოლტიანი აპარატურის მწარმოებელი ქარხნის ტერიტორიაზე ხანძარი გაჩნდა, - ამის შესახებ ოლქის გუბერნატორმა, ალექსეი სმირნოვმა განაცხადა.

მისი თქმით, უკრაინულმა დრონმა ქარხნის ტერიტორიაზე ასაფეთქებელი მოწყობილობა ჩამოაგდო.

სმირნოვის ინფორმაციით, თავდასხმის შედეგად საწარმოს არცერთი თანამშრომელი არ დაშავებულა. ამასთან, ტელეგრამ-არხი Mash-ი იუწყება, რომ დაშავებულია ერთი ადამიანი. არხის ინფორმაციით, ხანძრის ფართობი 400 კვადრატულ მეტრს შეადგენს.

ქარხანა უკრაინის სუმის ოლქის საზღვრიდან დაახლოებით 25 კილომეტრში მდებარეობს.