ისრაელმა ღაზაში 25-ზე მეტ ობიექტს დაარტყა, - ამის შესახებ ინფორმაციას ისრაელის თავდაცვის ძალები ავრცელებს.

ისრაელის თავდაცვის ძალების ცნობით, გასული 24 საათის განმავლობაში ისრაელმა მოიერიშე თვითმფრინავებისა და დრონების გამოყენებით ღაზის სექტორში მდებარე 25-ზე მეტ ობიექტს დაარტყა.

ისრაელის თავდაცვის ძალების განცხადებით, დარტყმები რაკეტების გამშვებ პუნქტებსა და ტერორისტული დაჯგუფებების ინფრასტრუქტურაზე განხორციელდა.

ასევე, ღაზის სექტორის ჩრდილოეთში დრონით თავდასხმის შედეგად „ჰამასის“ სნაიპერი დაიღუპა.