მომღერალი გიორგი უშიკიშვილი "ლელოს", "ანა დოლიძე-ხალხისთვის" და "თავისუფლების მოედანის" პოლიტიკურ გაერთიანებას შეუერთდა.

უშიკიშვილი „ლელოს“ ლიდერმა მამუკა ხაზარაძემ წარადგინა.

„მე ბედნიერი ვარ, რომ ჩემი მეგობარი შემოგვიერთდა ამ ბრძოლაში“, - დასძინა ხაზარაძემ.

გიორგი უშიკიშვილის თქმით, ერთიანობისთვის ყველაფერი უნდა გაკეთდეს და ის დგება ამ გაერთიანების გვერდით, რადგან ქვეყნის მომავალი იყოს უკეთესი ევროპულ ოჯახში.

„უღრმესი მადლობა პირველ რიგში ნდობისთვის, ყველაზე მთავარი დღეს არის ერთიანობა, სწორედ რომ ამ ერთიანობისთვის ჩვენ უნდა გავაკეთოთ ყველაფერი. დღეს, ვფიქრობ, ყველამ უნდა გადადოს თავისი ამბიციები და პირველ რიგში, ჩვენი ამბიცია უნდა უკავშირდებოდეს ჩვენი ქვეყნის ევროპულ მომავალს და სწორედ ამიტომ, მინდა ვთქვა, რომ ვდგები თქვენს გვერდით, რათა ჩემი, ჩემი შვილების და თქვენი შვილების მომავალი იყოს უკეთესი ჩვენს ევროპულ ოჯახში.