ისრაელი იქნება შეერთებული შტატების უმტკიცესი მოკავშირე ახლო აღმოსავლეთში, მიუხედავად იმისა, თუ ვინ აირჩევა პრეზიდენტად ნოემბერში, - ამის შესახებ ისრაელის პრემიერ-მინისტრმა ბენიამინ ნეთანიაჰუმ განაცხადა.

Reuters-ის ცნობით, ნეთანიაჰუმ, ვაშინგტონში გაფრენამდე ჟურნალისტებთან საუბრისას, განაცხადა, რომ მადლობას გადაუხდის პრეზიდენტ ჯო ბაიდენს ყველაფრისთვის, რაც მან ისრაელისთვის გააკეთა.

შეგახსენებთ, აშშ-ში ვიზიტის ფარგლებში, ბენიამინ ნეთანიაჰუ ჯო ბაიდენს შეხვდება და კონგრესში სიტყვით გამოვა.