უკრაინელმა სამხედროებმა დონეცკის ოლქში რუსული „სუ-25“ ტიპის მოიერიშე თვითმფრინავი ჩამოაგდეს, - ამის შესახებ განცხადებას ოპერატიულ-სტრატეგიული დაჯგუფება „ხორტიცას“ „ტელეგრამ“ არხი ავრცელებს.

გავრცელებული ინფორმაციით, რუსული „სუ-25“ ტიპის მოიერიშე თვითმფრინავები უკრაინის თავდაცვის ძალების ქვედანაყოფების პოზიციებზე დარტყმებს ახორციელებდნენ.

„პოკროვსკის სამკუთხედის ზონაში კიდევ ერთი მტრის „სუ-25“ გაუჩინარდა. ორ რუს პილოტს ეყო სიგიჟე იმისთვის, რომ ჩვენს პოზიციებთან ახლოს შემოფრენილიყო. ერთ-ერთი მათგანი ამ სიგიჟისთვის მყისიერად დაისაჯა“, - ნათქვამია განცხადებაში.