კორონავირუსისგან გამოჯანმრთელების შემდეგ, ჯო ბაიდენი თეთრ სახლში დაბრუნდა. 2024 წლის საპრეზიდენტო არჩევნებში საკუთარი კანდიდატურის მოხსნის შემდეგ ჯო ბაიდენი ოვალური კაბინეტიდან ამერიკელ ხალხს მიმართავს.

„ხვალ, საღამოს 20:00 საათზე, ქვეყანას ოვალური კაბინეტიდან მივმართავ იმის შესახებ, თუ რა გველის წინ და და როგორ დავასრულებ სამუშაოს ამერიკელი ხალხისთვის“, - წერს ჯო ბაიდენი სოციალურ ქსელში.

შეგახსენებთ, გასულ კვირას ჯო ბაიდენს COVID-19 დაუდასტურდა და მას შემდეგ დელავერის შტატში თვითიზოლაციაში იმყოფებოდა.