ნიკოლ ფაშინიანი ირანის ახლად არჩეული პრეზიდენტის ინაუგურაციას დაესწრება, - ამის შესახებ ინფორმაციას სომხეთის მთავრობა ავრცელებს.

სომხეთის პრემიერ-მინისტრი, ნიკოლ ფაშინიანი სამუშაო ვიზიტით ირანში გაემგზავრა, სადაც ახლად არჩეული პრეზიდენტის, მასუდ პეზეშკიანის ინაუგურაციის ოფიციალურ ცერემონიას დაესწრება.

შეგახსენებთ, კვირას, ირანის უზენაესმა ლიდერმა, აიათოლა ალი ხამენეიმ მასუდ პეზეშკიანი ახალ პრეზიდენტად ოფიციალურად დაამტკიცა. პეზეშკიანი ფიცს ირანის პარლამენტში დღეს დადებს.