ახალგაზრდების როლი და წილი ძალიან მნიშვნელოვანია - „ერთიანობის ბანაკმა“ ცალსახად მოგვცა იმის საშუალება, რომ კითხვები დაგვესვა იმ კამპანიებთან და საქმეებთან დაკავშირებით, რაც შეიძლება მომავალში განხორციელდეს,- ამის შესახებ „ერთიანობის ბანაკის“ მონაწილემ სალომე ქუხილავამ განაცხადა.

მისი თქმით, მსგავსი ტიპის პროექტების განხორციელება ახალგაზრდებს ეხმარება, მეტად იყვნენ ჩართულები პოლიტიკურ პროცესებში და ყველა იმ მნიშვნელოვან და საინტერესო კითხვებზე მიიღონ პასუხი, რაც მათ აქვთ.

„უპირველესად, აღვნიშნავ იმას, რომ მსგავსი შეხვედრები და მსგავსი ბანაკები ძალიან მნიშვნელოვანია ახალგაზრდებისთვის, ახალგაზრდული ჩართულობისთვის. ამ კონკრეტულ სიტუაციაში პოლიტიკური ჩართვა ხდება ჩვენი მხრიდან და მოგეხსნებათ, რომ ახალგაზრდების როლი და წილი ძალიან მნიშვნელოვანია. ამ ბანაკმა ცალსახად მოგვცა იმის საშუალება, რომ კითხვები დაგვესვა იმ კამპანიებთან დაკავშირებით, იმ საქმეებთან დაკავშირებით, რაც შეიძლება განხორციელდეს მომავალში და რაც საინტერესოა“, - განაცხადა სალომე ქუხილავამ.

მის კომენტარს პოლიტიკური პლატფორმა „ერთიანობა“ ავრცელებს.