თავდასხმის დროს ისმაილ ჰანიე თეირანში, ომის ვეტერანთა რეზიდენციაში იმყოფებოდა, - ამის შესახებ ინფორმაციას ირანული საინფორმაციო სააგენტო Fars-ი ავრცელებს.

„ჰანიე, რომელიც ირანში პრეზიდენტის ინაუგურაციაზე დასასწრებად იყო ჩასული, თეირანის ჩრდილოეთით, ომის ვეტერანთა ერთ-ერთ სპეციალურ რეზიდენციაში რჩებოდა, როცა გაშვებულ რაკეტას მოწამეობრივად ემსხვერპლა“, - აცხადებს საინფორმაციო სააგენტო.

შეგახსენებთ, „ჰამასის“ პოლიტბიუროს ხელმძღვანელი, ისმაილ ჰანიე დღეს თეირანში, საჰაერო თავდასხმას ემსხვერპლა. „ჰამასი“ ჰანიეს მკვლელობაში ისრაელს ადანაშაულებს.