რელიგიის საკითხთა სახელმწიფო სააგენტო საქართველოს ეზიდ თემს ზაფხულის 40 - დღიანი მარხვის დასრულებას ულოცავს. მილოცვას რელიგიის საკითხთა სააგენტო ავრცელებს.

„ეზიდები დღეს ჩლე ჰავინეს - ზაფხულის ორმოცდღიანი მარხვის დასრულებას ზეიმობენ. უმაღლესი სასულიერო პირები და ის ეზიდები, რომლებიც ასკეტურ ცხოვრებას მისდევენ, წელიწადში ორჯერ (ზამთარსა და ზაფხულში), ორმოცდღიან მარხვას იცავენ. რელიგიის საკითხთა სახელმწიფო სააგენტო მარხვის დასრულებას ულოცავს საქართველოს ეზიდ თემს“, - ნათქვამია ინფორმაციაში.