მეშვიდე ევროპული ქვეყანა, რომელმაც აზერბაიჯანის სახელმწიფო ნავთობ კომპანია SOCAR-ისგან გაზის შეძენა დაიწყო სლოვენიაა.

„მიწოდება ხორციელდება მიმდინარე წლის 17 ივლისს SOCAR-სა და Geoplin-ს შორის ხელმოწერილი ურთიერთგაგების მემორანდუმის შესაბამისად. Geoplin ბუნებრივი გაზის უმსხვილესი კომპანიაა სლოვენიურ ბაზარზე. SOCAR და Geoplin გეგმავს მომავალშიც განავითაროს გრძელვადიანი ენერგეტიკული თანამშრომლობა“,- ნათქვამია SOCAR-ის განცხადებაში.

აღსანიშნავია, რომ სლოვენია შეუერთდა თურქეთს, საქართველოს, ბულგარეთს, რუმინეთს, უნგრეთსა და სერბეთს და გახდა მეცხრე ქვეყანა, რომელიც აზერბაიჯანულ გაზს იღებს.

ცნობისთვის, 2023 წელს აზერბაიჯანული გაზის ექსპორტი 5,3%-ით გაიზარდა და 23,8 მილიარდი კუბური მეტრი შეადგინა. ხოლო, აზერბაიჯანული გაზის ექსპორტი ევროპაში იმავე წელს 3,5%-ით გაიზარდა და 11,8 მილიარდი კუბური მეტრი შეადგინა.

მოსალოდნელია, რომ 2024 წელს აზერბაიჯანი დაახლოებით 25 მილიარდი კუბურ მეტრ გაზს გაიტანს ექსპორტზე, მათ შორის 13 მილიარდს - ევროპაში.