კატალონიის ყოფილი ლიდერი, კარლეს პუჩდემონი ესპანეთში დაბრუნდა, - ამის შესახებ ინფორმაციას Associated Press-ი ავრცელებს.

კარლეს პუჩდემონი ბარსელონაში ასობით მხარდამჭერის წინაშე სიტყვით გამოვიდა.

„მიუხედავად ჩვენთვის ზიანის მიყენების მცდელობებისა, მე დღეს აქ მოვედი, რათა მათ შევახსენო, რომ ჩვენ ჯერ კიდევ აქ ვართ და არ დავნებდებით! გაუმარჯოს თავისუფალ კატალონიას!“ - მიმართა პუჩდემონმა მხარდამჭერებს.

ცნობისთვის, კარლეს პუჩდემონი ესპანეთიდან შვიდი წლის წინ, კატალონიის დამოუკიდებლობის მოთხოვნით ჩატარებული რეფერენდუმის ორგანიზების შემდეგ გაიქცა. მის მიმართ დაპატიმრების ორდერია გაცემული. გასულ თვეში, ესპანეთის უზენაესმა სასამართლომ პარლამენტის მიერ კატალონიელი სეპარატისტების ამნისტიის შესახებ კანონის დამტკიცების მიუხედავად, კატალონიელი სეპარატისტების დაპატიმრების ორდერები ძალაში დატოვა.