ამერიკელმა სამხედროებმა იემენში ორი რაკეტა და „ჰუსიტების“ საკონტროლო სადგური გაანადგურეს
შეერთებული შტატების ცენტრალური სარდლობის ძალებმა, გასული 24 საათის განმავლობაში, იემენში ირანის მიერ მხარდაჭერილი „ჰუსიტების“ ხომალდსაწინააღმდეგო ფრთოსანი რაკეტა და საკონტროლო სადგური გაანადგურეს, - ინფორმაციას აშშ-ის ცენტრალური სარდლობა ავრცელებს.
გარდა ამისა, ცენტრალური სარდლობის ძალებმა წითელ ზღვაში „ჰუსიტების“ ერთი უეკიპაჟო ხომალდი წარმატებით გაანადგურეს.
„ეს იარაღი აშკარა და გარდაუვალ საფრთხეს წარმოადგენდა შეერთებული შტატების და კოალიციის ძალებისთვის და რეგიონის სავაჭრო გემებისთვის. ირანის მიერ მხარდაჭერილი „ჰუსიტების“ ეს დაუფიქრებელი და საშიში ქცევა კვლავ საფრთხეს უქმნის რეგიონულ სტაბილურობასა და უსაფრთხოებას“, - აცხადებენ შეერთებული შტატების ცენტრალურ სარდლობაში.
