პოლიტიკური გაერთიანება „კოალიცია ცვლილებისთვის - გვარამია, მელია, გირჩი, დროას“ ცაგერის ოფისი გაიხსნა.

ოფისის გახსნისას ნიკა მელიამ და ზურაბ გირჩი ჯაფარიძემ ხაზი გაუსვეს ისეთ საკითხებს როგორიცაა 26 ოქტომბრის არჩევნების მნიშვნელობა და საქართველოს ევროკავშირში გაწევრიანება.

ამასთან, მათ ადგილობრივი მოსახლეობის პრობლემებზეც ისაუბრეს, კერძოდ ემიგრაცია, გაუმართავი ინფრასტრუქტურა, ამბულატორიული დახმარებების არარსებობა და სოფლის მეურნეობის პრობლემები. ამ საკითხებთან დაკავშირებით კოალიციის ლიდერებმა საკუთარი ხედვები გააცნეს თუ როგორ უნდა იყოს მოქალაქის ცხოვრება გაუმჯობესებული.

„საარჩევნო შედეგები განსაზღვრავს ქვეყნის მომავალს მინიმუმ 10 წელს. ლეჩხუმი, ეს არის ადგილი, სადაც უნდა იყოს გაჭირვებული, არამედ აქვს ყველანაირი რესურსი იყოს მდიდარი. უნიკალური ღვინოა ამ მხარეში, რომელიც თავისუფლად შეიძლება გაიყიდოს აშშ და ევროკავშირში. ამას სჭირდება ურთიერთობის გაღრმავება ჩვენს დასავლელ პარტნიორებთან. ქვეყანაში გვექნება რაიონი, რომელიც გამორჩეული იქნება არამხოლოდ ადგილობრივი კულტურით, არამედ სიმდიდრითაც. ეს ყველაფერი შესაძლებელია ცვლილებების შემდეგ, რომელიც 26 ოქტომბერს უნდა გაფორმდეს, ეს არის უმნიშვნელოვანესი არჩევნები, რომელშიც თითოეული მოქალაქის ჩართულობა არის მნიშვნელოვანი“,- განაცხადა მელიამ.

დღეს, „კოალიცია ცვლილების - გვარამია, მელია, გირჩი, დროა“ რაჭა-ლეჩხუმის მასშტაბით საარჩევნო ოფისებს ხსნის.