როდესაც „ქართული ოცნების“ ყოფილი მერი და მაღალჩინოსანი გადმოდის ოპოზიციაში, ნიშნავს, რომ ეს ადამიანები აცნობიერებენ, როგორი მოღალატეობრივი ინტერესების გამტარებელია მმართველი გუნდი. ერთიანობა იმარჯვებს და ძალა ერთობაშია, - ასე გამოეხმაურა ფრაქცია „ერთიანი ნაციონალური მოძრაობის“ გორის საკრებულოს წევრი, ანო ბალიაშვილი კასპის ყოფილი მერის, მანუჩარ მერაბაშვილის გადაწყვეტილებას „ერთიანობა - ნაციონალურ მოძრაობასთან“ შეერთებასთან დაკავშირებით.

მისი თქმით, „ქართული ოცნების“ ხელისუფლების წინააღმდეგ საბრძოლველად, გაერთიანებულ ძალისხმევას, ალტერნატივა არ აქვს.

,,როდესაც „ქართული ოცნების“ ყოფილი მერი და მაღალჩინოსანი გადმოდის ოპოზიციაში, ეს იმას ნიშნავს, რომ ეს ადამიანები აცნობიერებენ, როგორი მოღალატეობრივი და რუსული ინტერესების გამტარებელია მმართველი გუნდი. ეს იმას ნიშნავს, რომ ერთიანობა იმარჯვებს და ძალა ერთობაშია, გაერთიანებულ ძალისხმევას „ქართული ოცნების“ მოღალატეობრივი ხელისუფლების წინააღმდეგ, საბრძოლველად ალტერნატივა არ აქვს“, - განაცხადა ანო ბალიაშვილმა.